ВИДЕО: Под вода рудниците за јаглен во РЕК Битола

Од:

Обилните врнежи од дожд во битолско предизвикаа поплава на јагленовите откопни полиња во Рудникот Суводол на РЕК Битола. Ископот и транспортот на јаглен во моментов се во прекин и се вложуваат натчовечки напори за санирање на состојбите.

„На терен e и генералниот директор на АД ЕСМ, Васко Ковачевски заедно со директорот на РЕК Битола, Златко Ќурчиевски, како и комплетното раководство на комбинатот и стручните служби на РЕК Битола. Според вработени, ваква елементарна непогода, со интензивни и обилни врнежи од дожд, во Рудникот Суводол не е забележана во последните 20 години“, велат од РЕК Битола.

За состојбите во Рудникот Суводол на РЕК Битола известена е Владата, како и Центарот за управување со кризи, Дирекцијата за заштита и спасување и Армијата преку Министерството за одбрана.

„И покрај елементарната непогода со која се соочува РЕК Битола, континуираното производство на електрична енергија од комбинатот засега не е е доведено во прашање и истото продолжува согласно планот и потребите на електроенергетскиот систем“, велат од РЕК Битола.

Слична е состојбата и во Рудникот Брод Гнеотино каде во моментов се копа кровна јаловина. Се преземаат напори и таму да се санираат штетите за да се подготви рудникот за дисконтинуиран ископ на јаглен на почетокот на септември, со цел да се добијат потребните колични за грејната сезона 2020/2021 година.

Ова е трета поплава на Рудникот Суводол во РЕК Битола во рок од два месеци. Во сите активности што се преземаат за санација на последиците од обилните дождови, приоритет останува безбедноста на вработените, а потоа и опремата.

Би можело да ве интересира

(ВИДЕО) Ковачевски: Го оживеавме проектот Топлификација на Битола, изградбата почнува во октомври

Пороен дожд ги поплави Њујорк и Њу Џерси, загинаа најмалку 23 лица

А1он

Пожари и поплави во Италија, евакуирани над 800 луѓе

Мери Јордановска

ВИДЕО: Канализација ја поплави Кисела Вода, пукна главната цевка на градилиште за нова десеткатница

Маја Илиевска-Пачемска

Арсовски: Фирмата „СВ Инвест“ блиска до Заеви и поврзувана со случајот рекет во РЕК Битола e во стечајна постапка

ЕСМ: Политичките партии да не не инволвираат во дневно-политичките пресметки

Ана Ололовска