Никола Наумовски од „Плоштад Слобода“ потсети дека вчера граѓаните на општина Центар одлучиле што сакаат да се случи со проектот „Скопје 2014“. Тој изјави дека граѓаните на Центар гласале за на првата седница на Советот на општината парковите да останат и истите како градежни парцели да излезат од ДУП-от.
Наумовски потсети дека Никола Груевски изминативе години секоја одлука ја правда со наводната волја на граѓаните, а како што рече „Само 10 саати од нивната искажана волја одлучи да постави тараби и да гради на места каде што граѓаните му кажале дека не сакаат да гради“.
„Овие паркови се белите дробови кои на овие луѓе им беа пресечени пред неколку месеци. Овие луѓе кажале дека сакаат да живеат покрај парк, а не покрај катна гаража во барокен стил“, рече Наумовски
Наумовски порача да се почитува волјата на граѓаните и парковите да не се уништуваат.
Темјана Поповска