Како нова локална самоуправа ќе направиме нови вредности, најави кандидатот за градоначалник на Битола од СДСМ и Коалицијата, Наташа Петровска.
Tаа повика на масовно гласање во недела и поддршка за неа како кандидат за градоначалник, како и за кандидатите за советници од СДСМ и Коалицијата.
– Ќе ги уредиме улиците во Битола, велосипедски патеки ќе станат реалност, сакаме да има организиран сообраќај, да имаме уредени училишта, детски градинки и згрижени стари лица. Ќе ги реконструираме месните заедници, ќе имаме почиста Битола со почист воздух. Но, за да сето тоа го имаме, в недела на 15 октомври треба масовно да гласаме и сите да го заокружиме бројот 19 за нов градоначалник, за членовите на општинскиот Совет. В недела во 19 часот по затворањето на гласачките кутии најбројната бројка да биде бројот 19, кој донесува живот во Битола за сите, порача Петровска.