(ВИДЕО) Пендаровски: Мора да се казнуваат тие кои не ги почитуваат мерките без разлика на верската и етничката припадност

Од:

Претседателот на државата, Стево Пендаровски, по прогласувањето на нови 14 дена вонредна состојба, посочи дека надлежните органи мора да ги санкционираат сите кои не ги почитуваат мерките за заштита од коронавирусот, бидејќи, на таков начин се остава простор за враќање на кризата. Тој упати апел до Владата, поради зголемениот број на случаи заразени со коронавирусот да се се враќаат рестрикциите во цела држава.

„Оваа битка сигурно ќе ја добиеме. До Владата, негативните трендови забележани во неколку општини не смеат да бидат повод за враќање на рестриктивните мерки во целата држава. Надлежните органи мора да ги санкционираат оние кои не ги почитуваат мерките, без исклучок, независно од нивната верска и етничка припадност. Со неказнувањето на оние кои свесно не ги почитуваат законите се остава простор за враќање на кризата на самите почетоци и крајно неоправдано, треба сите да ги трпат рестриктивните мерки иако цело време ги почитувале законите и препораките“, рече Пендаровски.

Тој побара и од лидерите на политичките партии да се договорат за датумот на предвреметните парламентари избори, бидејќи државата не може да функционира само ако има вонредна состојба.

„Државата нема парламент, постои техничка Влада која има лимитирани овластувања, ситуацијата е премногу сериозна. Затоа барам од нив да бидат на историската одговорнсот и да се договорат за датумот на парламентарните избори, за да добиеме институции со полн капацитет и политички легитимитет. Државата не може и не смее со месеци да функционира само ако има воведена вонредна состојба“, посочи Пендаровски до политичките лидери.

Би можело да ве интересира

Шилегов вторпат негативен на коронавирус

А1он

Околу 5.000 лица кои се во самоизолација во домашни услови треба да се пријават за гласање

А1он

Филипче: Можно е пак да се воведат мерки на границите

А1он

Четворица анестезиолози се јавиле да ги менуваат колегите кои си дале отказ од „8 Септември“

Маја Илиевска-Пачемска

Филипче: Кризата со коронавирусот повторно ескалираше насекаде на Балканот

Ана Ололовска

ВИДЕО: Во просек, 13 отсто од тестираните за Ковид-19 се позитивни, неделно се прават 8.000 тестови

Искра Манојлоска