Претседателката на одборот на медицинските сестри ги искажа седумте барања на здравствените работници и соработници.
– Под број еден бараме систем за заштита на достоинството и угледот на здравствените работници и соработници. Под број два, квалитетна и професионална заштита на здравствениот работник и соработник. Три, самостојниот синдикат на клинички центри да биде рамноправен партнер за изготвување на нова законска регулатива од почетната фаза. Под број четири, законот за сестринската и акушерската дејност во кој ќе бидат опфатени и сестрите со средна стручна спрема и долго работно искуство. Под број пет, бенифициран работен стаж за оние профили на кои им следува. Под број шест, дополнителна работа без никакви условувања. И под број седум, законот за докторска дејност да донесе достоинствена минимална плата за секого, рече Весна Трајковска.
Специјализантот на психијатрија, доктор Билјана Додева ја истакна желбата на здравствените работници заедно со министерството да направат квалитетно и достоинствено здравство.
„Ве повикуваме заедно да ја подобриме состојбата во здравството, како рамноправни партнери со иста цел, квалитетно и достоинствено и за пациентите и за здравствените работници и соработници. Ја цениме вашата морална одговорност, ја цениме повелбата за донесување закон за докторска дејност“, рече Додева.