(ВИДЕО) Осветлувањето во Карпош се вклучува денски, а се исклучува навечер: Ако плаќаме, како нема пари и се штеди?

Од:

Уличните светилки во Карпош светат уште пред надвор да биде стемнето, а се исклучуваат по полноќ. Ова дополнително ги подгреа реакциите на жителите, кои остро реагираа што градоначалникот Стевчо Јакимовски реши преку исклучување на осветлувањето да штеди енергија. Со подолгото траење на денот, светлата се вклучуваат и 40 минути пред да падне мрак. Ваква е сликата низ Карпош повеќе од половина месец. Жителите коментираат и додека шетаат низ нивните маала. Според нив ова не е домаќинско работење, а најмалку штедење, кога светла има преку ден, а се исклучуваат навечер, кога е целосен мрак

dobivaj vesti na viber

Во неколку наврати досега, граѓаните на социјалните мрежи се бунтуваа по одлуката на градоначалникот Јакимовски со тајмери да ги гасне уличните светилки. Но тој, смета дека тоа што го прави е правилно и ја продолжи праксата. Штедењето на Јакимовски нема да донесе пониски сметки за карпошани, туку тие плаќаат иста сума, а не добиваат услуга.

„Правата слика е од ЕВН, втората е од Карпош 4 во 01.30 часот. Не ми е јасно ако секој од нас плаќа улично од сметка, како тоа општината нема пари и штеди? Што би рекле народно, кај се парите лопови?“, коментира жител на Карпош 4.

Жителите на оваа општина велат дека со исклучување на уличното осветлување, не се чувствуваат безбедно. Тие стравуваат и за безбедноста на своите деца, кои доцна се враќаат дома, а минуваат низ темни улици.

Би можело да ве интересира

Јакимовски: Констатирани се недостатоци при изведбата на плафонот во градинката „Мајски цвет“

Ана Ололовска

(ВИДЕО) Јакимовски: Покривот на градинката „Мајски цвет“ попушти под временските непогоди

Ана Ололовска

Падна таван во детската градинка „Мајски цвет” во Тафталиџе 2

Ана Ололовска

Велјановски: Заложбите на Јакимовски за бетонизација на Карпош се личен интерес на него и неколку бизнисмени

Ана Ололовска

Судир на мотор и автомобил во Карпош

Ландов

Карпош ќе субвенционира купување нови велосипеди и електрични тротинети

Ана Ололовска