Клубот на жени од СДСМ од Струмица денеска по деветти пат го одржа традиционалниот марш по улиците во градот.
Целта на маршот, според Марија Гарванлиева, координатор на клубот, е денеска, на меѓународниот ден на жената, секоја жена да добие цвеќе, чоколадо и Бела книга од успешните проекти на градоначалникот Зоран Заев.
– Во исто време ова е марш со кој ние жените од СДСМ во Струмица ги бараме правата кои на високо ниво беа во владеењето на СДСМ. Свесни сме сите кој сака да признае, кој не, дека во овие последни 7-8 години додека е на власт ВМРО ДПМНЕ, правата на жените се вратени дупло толку чекори, колку што за времето на СДСМ беа отидени напред. На нашата страна, на страната на социјалдемократската опција на жените секогаш стои нашиот сегашен и иден градоначалник Зоран Заев, секогаш поддржувач на жените, младите во политиката и на работните места односно во целиот општествен живот – рече Гарванлиева.