„ВМРО-ДПМНЕ не работи за интересите на граѓаните. Денеска пратениците на мнозинството предводено од ВМРО-ДПМНЕ одбија 4 суштински закони коишто ги предложи опозицијата.
ВМРО-ДПМНЕ потврди дека е против укинувањето на екстерното образование. Не го слушаат гласот ниту на родителите, ниту на учениците, ниту на студентите, ниту на наставниците“, изјави пратеникот Панче Орцев.
„ВМРО-ДПМНЕ потврди дека е против зголемување на минималната плата на сите работници од 11.000 денари. ВМРО-ДПМНЕ воопшто не се грижи за работниците и нивниот стандард.
Се е јасно. ВМРО-ДПМНЕ ги одбива законите коишто се од суштинска важност за граѓаните туку мислат само на своите партиски и лични интереси.
Пратениците од власта во заминување треба да излезат во јавноста и да објаснат зошто изгласаа стотици штетни закони а суштинските, оние од интерес на сите граѓани, ги одбија“, рече пратеникот Панче Орцев.