ВИДЕО: Охрид е преполн, гужви во маркетите, раздвижено низ кејот и чаршијата

Од:

Гужви пред бутиците, речиси целосно исполнети угостителски објекти покрај кејот. Ваква е сликата во Охрид викендов, откако илјадници граѓани го искористија продолжениот викенд за одмор покрај Охридското Езеро. Туристи има најмногу од земјава, но не изостануваат ни оние од странство. Во градот во придружба на туристички водич, можат да се забележат повеќе групи. Сончевото време, дополнително допринесува да улиците бидат полни.

Полни се и маркетите, најмногу пазарат туристите, но и жителите на Охрид во пресрет на Велигден. Пред некои од бутиците, ред се чека и надвор, а слично е и во дел од маркетите кои се лоцирани во центарот на градот. Најмногу посетители има  кај угостителителите кои се наоѓаат покрај кејот. Низ охридската чаршија постојано патролира полиција, задолжена за спроведување на мерките за спречување на коронавирусот.

Како и секоја година, со исклучок на минатата, се очекува најмногу гужви да има во црквите, особено утревечер, за празникот Велигден. Богослужба ќе има во сите храмови, заедно со земање на причесна. Од МПЦ веќе имаше апел за безбедно празнување, односно да се почитуваат протоколите.

План за викендов има и МВР, кое има распоредено повеќе екипи низ градот кои ќе патролираат. Изутринава, поради гужви во градот, го регулираа и сообраќајот.

Би можело да ве интересира

Возило заврши во ендек на влезот од Охрид, по обид за претекнувaње

Кристијан Ландов

Владата го поддржува рушењето на дивоградбите на охридското крајбрежје

Жарко Настоски

Жената која беше пронајдена во Охрид имала прострелна рана, се вештачи оружјето и се испитуваат ДНК-трагите

Кристијан Ландов

Се урива од Метропол до Пештани, дивоградбите повторно на мета

Кристијан Ландов

Црвен крст-Охрид го демантира Денесоски: Ниту сме барале, ниту сме наплатиле пари од Охрид за волонтерска служба

Ландов

Сите тврдат дека не го ангажирале, а Денесоски убедува дека е координатор за изградба на вакциналниот пункт во Охрид