Три часа гори борова шума близу граничниот премин Богорица, зад хотелот „Фламинго“. Во близина има и бензинска пумпа на „Окта“, за која засега нема опасност да биде зафатена, но постојано се контролира и превенира. Пожарот се шири кон границата, а за тоа се известени и грчките пожарникарски служби.
Поради ветерот, пожарот зафаќа поголем дел од шумата. Според неофицијални информации, до овој момент нема опасност пожарот да се доближи до објектите во непосредна близина. Засега, не е загрозен ниту сообраќајот кон и од граничниот премин, кој се одвива без прикини.
На терен делува противпожарната бригада, со повеќе возила и пожарникари. Непозната е причината како избил пожарот.
