(ВИДЕО) Од 107 рочишта за несреќата кај Ласкарци – приближно толку и одложени, денеска не се појавија вештаците да сведочат

Од:

По одржани 107 судски рочишта и приближно толку одложени, роднините на загинатите во автобуската несреќа велат: „Судскиот процес оди во насока да се заборави случајот“. Ова по денешното одложено рочиште, на кое не се појавија вештаците кои требаше да го презентираат супервештачењето кое се чекаше цела година, го изјави Синиша Ристески, брат на починатиот Дејан Ристовски. Следното рочиште е закажано за четврток, но, роднините се сомневаат дека и тогаш ќе се одржи.

„По четири години од трагедијата кај Ласкарци, со 16 починати, повеќе од 30 наши сограѓани со тешки повреди и трауми до крајот на својот живот, одржани 107 судски рочишта, приближно толку откажани, супервештачење кое го чекавме повеќе од една година, и кога денеска требаше да се појават вештаците – не дојдоа. Повторно ми создава сомнеж дека овој судски процес оди во насока да се избегнат сеќавањата и да се заборави. И со тоа да не се даде можност вистината и правдата да излезе на виделина“, вели Синиша Ристески.

И натаму сите роднини кои чекаат правда за несреќата и виновниците да одговараат – посочуваат дека се сомневаат во правосудниот систем.

„Што се однесува до денешното рочиште на кое требаше да бидат вештаците и да ги објаснат своите заклучоци, иако уредно беа поканети според судечкиот совет, тие денеска не се појавија. Така што, по ова повторно се остава простор за сомнеж иако за во четврток, судот се согласија дека ќе бидат присутни вештаците, во тоа не можеме да бидеме сигурни додека не се одржи“, додава тој.

Би можело да ве интересира

Адвокатот на оштетените за „Ласкарци“: Пропаднал обидот на супервештаците целата вина да се префрли само на шесто обвинетиот, на возачот

Aвтобусот на „Дурмо турс“ 16 дена вршел превоз на патници без да биде регистриран

Горан Наумовски

Сe сослушуват вештаците кои го изготвија супервештачењето за процесот „Ласкарци“

(ВИДЕО) На 60 страници е супервештачењето кое треба да ја донесе правдата за Ласкарци, роднините: Ова е купување време на обвинетите

Кристијан Ландов

Кривичниот суд за случајот „Ласкарци“: Ние ургираме, но не ни го доставуваат супервештачењето

Горан Наумовски

Семејствата на загинатите кај Ласкарци: Има сомнеж дека супер вештачењето е за заштита на виновниците, ќе бидеме радикални!

Кристијан Ландов