Граѓанската иницијатива која бара да се донесе закон за амнестија на осудениците, денеска протестираше пред Собранието на РМ.
На протест се собраа за позитивен одговор од претседателот на Собранието, Вељановски, за распишување граѓанска иницијатива на државно ниво за собирање 10 илјади потписи, со што би се донел Закон за амнестија.
Како што рече Мери Николова добрата вест е дека документацијата испратена од Иницијативата до Собранието е уредна.
– Благодарение на издржливоста на осудениците во сите 9 затвори и нивниот штрајк со глад, експересно, во рок од 24 часа, добивме позитивен одговор. Истата документација, утре ќе биде потврдена во двете комисии. Доколку утре до 14 часот до Владата се испрати позитивно то ммислење на Собранието, Владата може – доколку сака, во рок од еден час да ја извести Државната изборна комисија дека може да започне распишување на референдум. Во законот не постои рок за одговор од Владата до ДИК, кога веќе не постои рок, затоа сме ние сите овде, рокот сами да го побараме.
Даваме време од 24 часа, доколку Владата не одговори позитивно до ДИК, ние сме подготвени да ги блокираме улиците деноноќно со камиони, автомобили. Никој нема право да го ускаратува нашето граѓанско право, рече Мери Николова од Иницијативата за амнестија на осудениците.
Таа упати порака до осудениците во македонските затвори кои штрајкуваат со глад, да го прекинат штрајкот, бидејќи немаат соодветна здравствена заштита и Иницијативата ја презема нивната борба.