(ВИДЕО) Николоски: Заев е готов, минато, сега да се обединиме за обнова на Македонија

Од:

Потпретседателот на ВМРО-ДПМНЕ, Александар Николоски денеска во Автокоманда, рече дека од граѓаните собираат идеи и предлози за новата програма која што ја подготвуваат за сега веќе извесните предвремени парламентарни избори.

– Она што вчера Зоран Заев го кажа, практично го призна тоа што сите го знаат, а тоа е дека е готов, дека е историја, дека е минато и дека останува на најцрните страници на македонската историја. Со него е завршено. А, сега треба да видиме и да се обединиме за обнова на Македонија, затоа што граѓаните заслужуваат прво да им го вратиме достоинството, потоа економски да ја обновиме, и да живеат поубаво и посперитетно тука во Македонија, рече Николоски.

Во однос на лидерската средба Николоски вели дека очекуваат да видат кој ќе биде дневниот ред предложен од Стево Пендаровски.

– Сакаме и ќе разговараме за предвремени парламентарни избори. Тие мора да се случат. Бегање од нив нема. Зоран Заев до пред неколку дена бегаше. После фијаското кое што му се случи и силниот притисок којшто ние го направивме вчера се согласи на предвремени парламентарни избори. Ако до денес не се премисли, тогаш да се договориме технички за истите. Ако се премисли ќе направиме силен притисок за предвремени парламентарни избори да се случат. Во однос на очекувањата многу едноставно е Република Македонија има изборен законик и има Устав, треба двата да се испочитуваат и да одиме на избори. Тоа што Зоран Заев го имаше на претходните избори, сега треба да го има ВМРО-ДПМНЕ и да одиме на едни чисти, фер и демократски избори, искоментира Николоски на новинарското прашање што ќе побараат како партија на денешната лидерска средба.

– Датумот за избори е нешто што претпоставувам ќе се договара попладне на лидерската средба. Би било по мене претенциозно сега да говорам за тоа, но кажав треба да се испочитуваат Уставот и законите во Македонија и да одиме на чисти, фер и демократски избори, додаде потпретседателот на ВМРО-ДПМНЕ.

Би можело да ве интересира

(ВИДЕО) Василевска: НВО во коруптивната мрежа на СДСМ

Ана Ололовска

(ВИДЕО) Илиевски: Ситуацијата со коронавирусот е алармантна, а СДСМ станува носител на Ковид-19

Ана Ололовска

Милошоски: Во следните три недели државата сите ресурси да ги насочи кон справување со Ковид-19, па потоа да се зборува за датум за избори

Ана Ололовска

(ВИДЕО) Милошоски: Изјавите на обвинетите се основано сомнение за соучество на Заев во „Рекет“

Ана Ололовска

Советничка група на ВМРО-ДПМНЕ: Шилегов, со километарските редици за субвенциите, ризикува Скопје да стане нов корона-кластер

Ана Ололовска

ВМРО-ДПМНЕ: Македонија ќе остане изолирана, а граѓаните ќе заболуваат и умираат, доколку власта не преземе одговорност

Ана Ололовска