Силно невреме со грмотевици и дожд попладнево го зафати Скопје, а најинтензивно беше во центарот на градот и во неговите источни делови.
Поројниот дожд го отежна сообраќајот и предизвика метеж во центарот во главниот град.
Според информации кои граѓаните ги споделуваат на социјалните мрежи, силниот ветер предизвикал материјална штета во повеќе делови од градот, а во Кисела Вода, невремето собори старо дрво кое оштети автомобил и две гаражи.
Метеоролозите и за следните денови најавуваат нестабилно време со можни поројни врнежи.