Лекарите и медицинскиот персонал од Општата градска болница „8 септември“ денеска од 13 до 14 часот протестираа пред влезот на болницата за да изразат револт од инцидентот кој се случи во петокот кога роднини и пријатели на лице што почина кршеа врати и инвентар во болницата.
Тие бараат заштита зошто секојдневно се наоѓаат под притисок на психичко и физичко насилство.
Ова е мирен протест да го изразиме незадоволство од нашата безбедност посебно на дежурства во ноќните часови, постојано има вербални и физички напади, не е прв настан, многу имало претходно за кои не сме изреагирале. Секојдневно има напади на медицински сестри и на шалтери, сето тоа не го оправдува таквото постапување. Сите сме под јак стрес, бараме решение за проблемот зошто не се чувствуваме безбедно при нашата работа, изјави Наташа Канакушовска, претседател на Синдикалната организација.
Индицентот што се случи во петокот не е прв кога лекари биле нападнати поради вознемирени роднини на пациенти, а поради се полошите услови за работа многу лекари и медицински персонал заминале во странство.
Виктор Јованов