ВИДЕО: „Нè разбудија силни удари, слушнавме само бомба, бомба!“ – Студентите вознемирени по нападот врз директорот на „Пелагонија“

Од:

Студентите во студентскиот дом „Пелагонија“ се силно вознемирени од утринскиот инцидент во кој две лица ја искршија и потоа ја запалија канцеларијата на директорот Агим Фејзулаху.

Студентите кои се сместени во собите на приземје веднаш до канцеларијата на директорот за „А1он“ рекоа дека околу 9:30 часот ги разбудиле силни удари и гласна експлозија.

„Се случи во 9:30 . Ние спиевме и тоа нè разбуди. Слушнавме добри десет силни удари од некое лице и одеднаш слушнавме силна експлозија. Прозорците се искршија. Не сме повредени, само вознемирени. Многу силно пукање беше. По ударите со тврд предмет слушнавме само гласови ‘бомба, бомба’ од студентките над нас“, рече еден од студентите кој сакаше да остане анонимен.

При експлозијата нема повредени, но има голема материјална штета. Студентите не ги виделе лицата што го сториле делото, но чудно им било што обезбедувањето задоцнило со реакцијата.

„Чудно е тоа што имаше сериозни удари, а никој од обезбедувањето не дојде, траеше околу 20 секунди. Мислевме дека работат нешто и туркаат нешто, но по експлозијата која нè извади од памет, сфативме дека се работи за насилен напад. Причините не ни се познати затоа што ние не го познаваме ниту директорот“, рекоа за „А1он“ студентите од собите близу канцеларијата.

МВР, пак, соопшти дека поранешно вработено лице во студентскиот дом „Пелагонија“ заедно со уште едно лице, по претходна расправија со директорот Агим Фејзулаху, кој е кадар на ДУИ, ја искршило и запалило канцеларијата утрово околу 9:30 часот.

„Директорот пријавил дека по претходна расправија, од страна на Н. Ј. поранешен вработен во домот и уште едно лице била фрлена запалива течност, при што настанал пожар“, соопштија од МВР.

Од МВР велат дека нема повредени до моментот на пријавувањето, а пожарот е изгаснат од страна на Противпожарната бригада на Град Скопје.

Би можело да ве интересира

Кривична пријава за членка на Судски совет, 15 пати зела парти за превоз, а ќерка и имала стан во Скопје

Катерина Ѓуровски

МВР: Од 12 октомври нов систем за влез/излез од ЕУ, со што сè треба да се подготват патниците

Горан Наумовски

Пијаните возачи ќе одговараат кривично, заострување на казните

Ги нападнале овчарски кучиња, се качиле на столб за мобилна телефонија – спасени белгиски планинари во Ценар Жупа

Катерина Ѓуровски

ДУИ: Еднојазичните униформи не се само облека

Руското МВР тврди: Регистрирани се 10 обиди за терористички напади за време на локалните избори