„Ние нудиме помош и поддршка на спортот во општината.
Спортските друштва и поединците од Ѓорче Петров беа некогашна гордост, не само на општината, туку и на Скопје и Македонија во изминатите години. Денес спортот во општината е сведен на стихијно и неорганизирано работење.
Во разговор со спортските работници и со нивно одобрение, целта е спортското друштво да биде составено од претставниците на постоечките спортски клубови на територијата на нашата општина, како и други кои ќе ги возобновиме во нашиот мандат.
Новата администрација ќе обезбеди финансиски надомест за сите спортски работници кои ќе работат со младински категории.
Целта е што поголем број деца да се запишат бесплатно во спортските клубови. Квантитетот единствено раѓа квалитет.
Ние ќе обезбедиме пари за стипендии и кредити за школување на перспективни млади спортистки по предлог на општинскиот спортски совет и спортските сојузи и клубови.
Планираме формирање на Совет за спорт во општината којшто системски ќе прави анализи за унапредување на масовниот и индивидуалниот спорт во нашата општина со предлагање на мерки, програми и акциони планови. Особено ќе има значајна улога во предлагање и усвојување на реален и развоен буџет за спортот.
Затоа на 15 Октомври гласајте за живот во Ѓорче Петров, гласајте за живот за сите“, изјави Александар Наумоски, кандидат за градоначалник на Општина Ѓорче Петров.