Новинарот Борјан Јовановски, денеска додека седеше во ресторанот „Воденица“, млад човек со капа на глава вербално го нападна за потоа и да го исплука во лице.
Додека се случуваше инцидентот, друго лице снимало со телефон. Еве што пишува Јовановски:
„Бев на ручек со мојот пријател и колега Aтанас Кировски. Неочекувано до масата пристапи едно детуле кое се уште не си ни бричи. Малолетно. Ми се обрати со зборот “предавник” Прашав дали воопшто знае што зборува..а тој ме плукна в лице и замина. Детето е злоупотребено. Нарачателот ми познат бидејќи беше присутен во ресторанот Воденица. Пораката е примена. Инспираторот е исто така познат..Миленко Неделковки. Кратко да завршам..двајцата ќе одговарате а од мојот патриотизам и љубов кон демократска и европска Македонија нема нема да ме одвратите“.
Дека се работи за организиран напад врз се што не мисли како нив, покажаува и нападот врз советничката од Карпош Магдалена Несторовска. И таа беше вербално нападната. На својот профил таа објави текст во кој се посочува дека напаѓачот е малолетен и симпатизер на ВМРО-ДПМНЕ.