МВР на прес конференција извести дека се регистрирани три случаи на фотографирање на гласачки ливчиња, од кои едно е во Црниче, општина Кисела Вода, и по едно во Шуто Оризари и Пробиштип.
Од министерството предупредија дека со тоа се крши законот и секој што фотографира соодветно ќе биде санкциониран.
Полицијата кажа дека е регистрирана и тепчка во Шуто Оризари, односно имало пријава за физички напад, при што едно лице е приведено и се работи на случајот. МВР апелираше до претставниците на политичките партии да се воздржат од секаков вид на инциденти затоа што нема да се толерира никаков инцидент.