„Од името на членовите на Либерално-демократската партија сакам да ги повикам сите граѓани во недела масовно да излезат на гласачките места и да гласаат за Промени, Промени кои ќе донесат нов почеток.
Во недела уште рано наутро сите заедно:
- Да ставиме крај на заплашувањата, уцените, заканите и притисоците
- Да ставиме крај криминалот и корупцијата
- Крај на иселувањето на младите од државата
- Крај на партиските, нестручни вработувања
- Да им дадеме шанса на сите, независно од нивната религиска, етничка или партиска припадност
- Да гласаме за достоинствен живот на пензионерите
- За поголеми субвенции на вистинските земјоделци
- За побогат културен и спортски живот на младите во градот
- Повеќе работни места
- Да ги запреме казните за приватниот сектор
- Да гласаме за нов стадион, за Копанки, за Пелистер
Сите вие кои од најразлични причини – револт, разочараност, не излеговте на гласање во првиот круг сега имате нова шанса, шанса гласајќи против оваа власт да го казните режимот и да придонесете да се случат неопходните промени во Македонија.
Битола од секогаш била предвесник на сите промени. Ќе биде и во недела до колку гласате за бројот 1 за листата за пратеници на здружената опозиција и бројот 3 за Стево Пендаровски за претседател на Македонија“, изјави Горан Милевски, Кандидат за Пратеник.
