(ВИДЕО) Мицкоски: Заев не го сочува идентитетот, туку го изгубивме и тоа што го имавме досега

Од:

Претседателот на ВМРО-ДПМНЕ Христијан Мицкоски оствари средба со граѓани и членови на Општинскиот Комитет на ВМРО-ДПМНЕ Демир Хисар. На средбата Мицкоски говореше за актуелната политичка и економска состојба како и за Договорот со Грција.

– Ни ветуваа живот, донесоа пекол. Откако го донесоа пеколот почнаа да не делат на вакви, онакви. Почнаа да не делат на луѓе кои што биле Европјани и на луѓе кои што биле против Европа и против прогресивните сили. А, позади завесата ја пљачкосуваат и ја уништуваат секоја една педа од татковината, нагласи Мицкоски.

Според него, СДСМ нема поддршка за Договорот од граѓаните, па поради тоа нивните собири се одвиваат на полупразни плоштади.

– Се носат граѓани со автобуси од други градови со притисоци, уцени и закани, забележа Мицкоски.

Мицкоски посочи дека договорот со Грција е најлошото можно решение за Македонија.

– Со овој документ Заев ја понижува државата, а Македонија го губи името, се менува Уставот, се губи идентитет. Договорот од Преспа се повикува на еден документ кој што се нарекува Повелба на ОН, основен принцип на таа повелба стои немешање на внатрешните работи на една држава. Ако промена на Устав не е мешање во внатрешните работи, што е тогаш мешање во внатрешни работи? Уште од самиот почеток, во самата преамбула овој договор е контрадикторен самиот по себе, изјави Мицкоски.

Мицкоски потсети дека Зоран Заев не го зачува идентитетот туку и тоа што го имавме досега, а што било дел од личната карта на нашата држава од ОН го изгуби.

Би можело да ве интересира

Мицкоски: Димче и Левица обработуваат за новиот стопан Али, затоа имаат кандидати во Струга и Тетово, а не и во Велес и Штип

Мицкоски: На раководството на СДСМ не му веруваат ниту традиционалните гласачи

Мицкоски: СДСМ е сведена под сопствениот лимит на гласови од околу 120 илјади поради три причини безидејност, предавствата и поради тоа што стана приватизирана партија

Мицкоски: Надвор од тековните трансфери од централниот буџет, за Кочани ќе се обезбедат дополнителни 100 милиони евра, пари кои ќе се вложуваат во инфраструктурни проекти

Мицкоски со предлог: Во Карбинци е добро да има населба за млади брачни парови со парцели од по едно евро квадрат, така младите полесно ќе формираат заедница и ќе имаат повеќе деца

Ристов: Во Конче најмладите ќе останат во фокусот, ќе обезбедиме бесплатен училишен прибор за секое првоодделенче и стипендии за најдобрите ученици и студенти