Лидерот на ВМРО-ДПМНЕ, Христијан Мицкоски денеска беше во посета на Кавадарци по поводот гроздоберот 2018 година. Мицкоски во својата изјава за медиумите меѓудругото посочи дека не може да ги изостави сведочењата од страна на граѓаните на Кавадарци кои што, како што посочи со голема резигнација се изразуваат за политиките кои ги води владата на СДСМ и Зоран Заев.
„Гледаме дека ветуваа многу работи, но за жал не можеме да видиме ништо од тие ветувања на дело. Помина година ипол откако владата на СДСМ и Зоран Заев се во Рапублика Македонија, гледаме дека ниту еден километар автопат не успеаа да изградат, гледаме дека сите оние проекти кои што беа успешно започнати и требаше до сега да завршат неуспеваат да ги завршат напротив ги одолжуваат“, изјави Мицкоски.
Лидерот на опозицијата додава имаме една масовна депресија, една масовна стагнација во сите пори во општеството, но од друга страна можеме да видиме една исклучително скапа пропаганда, една машинерија која што врши класичен напад на менталниот склоп на сите граѓани. Се обидува граѓаните да ги убеди во нешто во што и самите не веруваат, бидејќи доколку веруваа ќе знаеја дека сето ова немаше да им биде потребно, вели Мицкоски.
