Лидерот на ВМРО ДПМНЕ, Христијан Мицкоски, повика на протест против покачувањето на цената на струјата, на 9 септември од пред Министерството за правда до Регулаторната комисија за енергетика.
Прес-конференција, 07.09.2020
Posted by Hristijan Mickoski on Понеделник, 07 септември 2020
„Мораме да се спротивставиме на оваа мафија со протести, да протестираме за секоја тема која ги мачи граѓаните. Ова е отворен повик да се обединиме и да ја заштитиме државата и граѓаните“, рече Мицкоски.
Мицкоски на денешната прес конференција рече дека Македонија во моментов го има најлошиот пад на бруто домашниот производ.
„Да нема изговор од Владата и мафијата на Заев дека пари во буџетот нема. Пари има, ама тие не одат кај народот. Пари има затоа што потрошија 1 милијарда евра на поткуп, трошат над 8 милиони евра за возила, трошат за колачи и тендери за вафли додека народот живее на вересија. Им пропадна банка од 200 милиони евра и око не им трепнува“, рече Мицкоски.
Според него, народот го чекаат уште потешки времиња во месеците кои доаѓаат.