(ВИДЕО) Мицкоски: Со некои од тие што преговараме, синоќа седеа до Зоран Заев

Од:

По средбата со коалициските партнери, Мицкоски рече дека едногласно се договориле да го сменат името на коалицијата во „Обнова на Македонија“ зашто, како што рече, по многуте турбуленции што се случија изминатиот период во земјата, потребна ѝ е вистинска обнова.

„По сè што се случува во земјата веќе 3 години, добро е што договоривме датум за избори. Вечерва ги информирав коалициските партнери за темите за кои дискутиравме вчера на лидерската. Поради реалноста во која живееме, им предложив коалицијата „За подобра Македонија“, да се преименува во коалиција „Обнова на Македонија“ и тоа беше едногласно прифатено“, рече Мицкоски, кој додаде дека на Македонија ѝ е потребна обнова по, како што нагласи, арамилакот што ѝ се случува на земјата.

„Ви ветувам расчистување на арамилакот, нови реформи во многу сегметни, враќање на правото и нулта толеранција во борбата против криминалот и корупцијата“, порача тој.

Рече дека е во преговори со други политички партии за коалирање, но дека сè уште е нејасно дали тоа ќе биде предизборно или постизборно. „Со некои од тие што преговараме се видов синоќа, а тие седеа до Зоран Заев“, рече лидерот на ВМРО-ДПМНЕ. На прашањето дали се работи за албански партии, рече дека преговараат.

Мицкоски нагласи дека предноста на ВМРО-ДПМНЕ е многу поголема од таа што ја кажувал Заев за водство на анкетите, но вели дека нивен предизвик е предноста да биде многу поголема за да имаат, како што рече, стабилно мнозинство.

„Првиот дел на состанокот беше да ги информирам што се случуваше вчера, сега во вториот дел на средбата ќе разговараме и за други теми“, истакна лидерот на ВМРО-ДПМНЕ.

Би можело да ве интересира

Димовски: Едно од најголемите ветувања на оваа влада за изградба на новиот Клинички центар веќе е „реализирано“

Ана Ололовска

Вељаноски до Заев: Од она што направивте досега најдобро знаат граѓаните и тоа ќе ви го кажат на 12-ти април

Ана Ололовска

Ѓорчев до Заев: Зошто толку го штитите најнепопуларниот и најскандалозниот министер во оваа Влада Венко Филипче

Ана Ололовска

(ВИДЕО) Мицевски: Власта во 2020 година планира да потроши 3.9 милијарди евра, на популистички и неразвојни програми

Ана Ололовска

(ВИДЕО) Лазаревска: ВМРО-ДПМНЕ и Мицкоски се против поголема минимална плата и против стечајците затоа кочат во Собрание

Ана Ололовска

ВМРО-ДПМНЕ: Време е СДСМ да си замине

Ана Ололовска