До 5 февруари ќе бидат обелодените имињата на сите кои ќе се пријават на огласот на ВМРО-ДПМНЕ за претседателски кандидат, најави лидерот Христијан Мицкоски на прашање дали партијата ќе ја поддржи евентуалната кандидатура на професорката Гордана Силјановска, откако вчера 30-тина професори испратија отворено писмо со поддршка за нејзина кандидатура како натпартиска личност.
„За претседтаелски кандидат на ВМРО-ДПМНЕ сите кои ќе достават пријава до конвенцијата, јавноста ќе биде информирана не подоцна од 5 февруари за кандидатите, а за претседателски кандидат ќе почекаме до 16 февруари и преку тајно гласање да го избереме најдобриот“, рече Мицкоски.
Досега е познато дека во ВМРО-ДПМНЕ има две кандидатури, од пратеникот Влатко Ѓорчев и од уште еден партиски член.
И од владејачкиот СДСМ тактизираат и не го откриваат својот кандидат, кој, како што најавија, ќе го изберат на 3 март.
Она што е познато е дека партијата ги мери рејтинзите на повеќе министри и функционери на СДСМ.
Галена Николовска-Ризвановиќ