Изјавата на српскиот Министер за надворешни работи, Ивица Дачиќ, дека сум учествувал во организирање на протестите против Александар Вучиќ е скандалозна. Срамота е за еден Министер да изјавува во јавност не проверени информации, вели за А1он Замир Мехмети кој беше посочен како еден од организаторите на протестите против српскиот Претседател, Александар Вучиќ.
-Тврдам дека во последните три години не сум бил ниту еднаш во Србија и тоа можам да го докажам со мојот пасош на кој може да се види според печатите дали сум влегол во државата, вели Мехмети.
Мехмети не ја отфрла можноста оваа изјава на Дачиќ да е нарачана од страна на некој од членовите на владата во заминување.
-Не можам да тврдам со сигурност, но ако го имаме во предвид начинот на функционирање на нашата влада во заминување и српската влада не би ме изненадило изјавата да е нарачана од некого, вели Мехмети.
Како што вели тој, ова е обид да се прикрие срамот што српската држава го направи со нивниот државјанин и припадник на српската БИА, кој на 27 април се најде во Собранието на Република Македонија.
Виктор Јованов