(ВИДЕО) Манојловска: Се редат скандали во Куманово – фирми на роднини добиваат тендери од Димитриевски

Од:

Општина Куманово, под водство на Максим Димитриевски, постојано е во центарот ама со скандали, со индиции за судир на интереси и можен коруптивен договорен систем за испумпување на парите на граѓаните. Медиумите веќе објавија документи како општина Куманово склучува договори за изведба и надзор со фирми на блиски роднини, изјави Марина Манојловска, претседателка на Форум на Жени на СДСМ Куманово.

– Општината склучила договори за изведба на градежни работи со фирмата РМК ГРАДБА АС Дооел Скопје, во сопственост на Рафис Камберовски. Истовремено, надзор над тие исти проекти го вршела фирмата АК ИНЖЕНЕРИ ДООЕЛ од Цветово, во сопственост на Муарем Камберовски. Двајцата Камберовски се блиски роднини. Значи едниот роднина Камберовски гради, другиот роднина Камберовски демек го контролира.

Па кај го има ова? Во Куманово, со Максим Димитриевски. Ова ли е начинот на кој градоначалникот Димитриевски ја разбира „чесната и домаќинска“ работа?
Не, почитувани ова е основано сомнение за: Судир на интереси. Непотизам и фаворизирање на роднински фирми. Злоупотреба на јавните средства на граѓаните на Куманово. Прашањето е кој е интересот на Максим Димитриевски? Дали зад доделувањето на тендери на роднини во суштина се крие бизнис интерес на Димитриевски? Го повикуваме Државниот завод за ревизија, Државната комисија за спречување на корупција, како и Јавното обвинителство, итно да се вклучат и да ги испитаат сите сомнежи за коруптивно однесување во овој случај. Граѓаните на Куманово заслужуваат одговори. Заслужуваат транспарентна, отчетна и одговорна локална власт. А не власт која ја движи само бизнис интересот на градоначалникот. СДСМ ќе продолжи гласно да укажува на секој обид за злоупотреба и ќе се бори за одговорност. А одговорност ќе има, рече Манојловска.

Би можело да ве интересира

СДСМ: Скопски маратон срамно злоупотребен од Орце и ДПМНЕ

Тошковски со инспектори од МВР во штаб на ДПМНЕ во Кривогаштани, обвинува СДСМ

Филипче од Велес: СДСМ имаше пет иницијативи за раст на платите, ВМРО-ДПМНЕ ги одби сите

Герасимовски: Поставуваме две монтажни гаражи со 900 нови паркинг места

СДСМ: 90% лаги на Орце, од 30 капитални ветувања нема остварено ниту едно

Филипче: Со чесна и посветена работа Асен Шајн ќе го врати сјајот на Охрид