– Го поддржуваме Ергодан бидејќи Турција ја призна Македонија под уставното име. Демонстрантите се мрзливи, не сакаат да работат, а земаат големи плати – порачаа стотици граѓани кои беа дел од собирот пред Мурат – пашина џамија за да пружат поддршка на турскиот премиер Ердоган.
Насобраните кренаа глас против демонстрантите во Турција, на кои им порачаа дека со тенџериња и тави не се прават протести. Со веење знамиња, играње оро и широко распослани транспаренти „Нема да оставиме да те изедат“, „Скопје е со Ергодан“ и „Поддршка за премиерот“, насобраните граѓани ги нарекоа демонстрантите неработници, мрзеливи и луѓе кои во минатото биле криминалци и работеле на штета на Турција.
– Ердоган го сака целиот свет. Што побрзо протестите што ги прави да ги остави, инаку Македонија ќе продолжи да протестира – порача еден граѓанин.
– Тоа што го прават демонстрантите во Турција е нерегуларно. Ергодан работи за доброто на економијата и народот. Тој можеби ќе пресече десет дрвја, но ќе засади дваесет. Ова е дел од новиот проект кој го соопштија властите синоќа, но народот не е информиран за тоа – изјави друг граѓанин.
Невладините организации заедно со политичките партии ги повикаа демонстрантите во Турција да прекинат со протестите, бидејќи тоа и’ штети на угледот на државата.
– Турскиот народ треба да биде благодарен на својата влада за успесите досега. Турција е пример за солидна демократија и не треба да им се дозволи на демонстрантите да го нарушат угледот на државата.
Петар Клинчарски
