ВИДЕО: „Лајка“ извлече четири кучиња заробени во напуштен автомобил

Од:

Четири вознемирени кучиња во скопската населба Аеродром вечерва беа извлечени од хаварисан автомобил во кој биле затворени. Јавното претпријатие за згрижување бездомни кучиња „Лајка“  објави видео од извлекувањето на кучињата.

„По многубројни пријави од загрижени граѓани, за кучиња кои со месеци константно се затвараат во возило во населбата Аеродром, вечерва на иницијатива на ЈП Лајка е постапено во соработка со инспектори од Агенцијата за храна и ветеринарство и полициска асистенција. Кучињата ќе бидат згрижени во нашето прифатилиште, а по укажаната ветеринарна грижа максимално ќе се ангажираме да им најдеме соодветен дом“, велат од Лајка и додаваат дека за овој проблем со месеци се барало решение, но не бил најден компромис со сопственикот на возилото.

Кучињата беа оставени во автомобил со скопски регистерски таблички.

Според неофицијални информации, станува збор за четири улични кучиња, а сопственичката на возилото секоја вечер ги затворала внатре, за да бидат на топло и на безбедно, а изутрина повторно ги пуштала. Сето ова почнало да се случува откако едно улично куче за кое се грижела жената било заклано. Сепак, лаежот на кучињата од автомобилот навечер ги вознемирувал соседите, кои често пријавувале во надлежните институции.

Би можело да ве интересира

Кривична пријава против тројца за крвничкото претепување на бездомното куче Феликс кое угина вчера

A1on

Умре Феликс, кучето кое безмилосно беше тепано со стап по глава, а неговата судбина ја сплоти цела Македонија

A1on

Законот што треба да го реши проблемот со бездомните кучиња четири години е заглавен, општините речиси и не плаќаат за „Лајка“

Катерина Ѓуровски

Тим на „Лајка“ спаси куче паднато во Вардар

Се повеќе Европејци имаат необични миленици, издадено е предупредување дека се опасни

А1он

Го врзале и го оставиле без храна и вода – „Лајка“ сподели ужасна приказна на напуштено куче