Портпаролката на СДСМ, Богданка Кузеска истакна оценката на партијата е дека изборите беа фер и демократски.
– Имавме мирен достоинствен изборен ден и изборите беа фер и демократски, како што доликува на земја членка на НАТО. Граѓаните слободно ја искажаа својата волја и правото на глас. Нотирани се одредени неправилности но сметаме дека се незначителни.
Благодарност до сите граѓани кои излегоа на изборите и гласаа. Особена благодарност до граѓаните кои го дадоа својот глас за СДСМ и коалицијата „За Европска иднина“ и за претседателскиот кандидат Стево Пендаровски.
Граѓаните ќе одлучат по кој колосек ќе се движи Македонија пшонатаму. Во очекување сме на изборните резултати и дополнителмо ќе излеземе со податоци – рече портпаролката.
Во однос на тивкиот бојкот на албанскиот електорат, Кузеска рече дека секоја партија треба да одговори пред себе и пред граѓаните.
– СДСМ повикуваше на масовна излезност, повикуваше граѓаните да го искорисат правото на гласа, СДСМ не бил никогаш кочничар на демократските процеси – додаде Кузеска.