Премиерот Димитар Ковачевски во изјава за медиумите кажа дека е целосно на страната на ССМ и на работниците во Македонија.
„Јас сум член на Синдикатот уште од 1999 година и сум 100% на страната на ССМ и работниците. Да живее Синдикатот и работниците на Република Северна Македонија“, изјави Ковачевски.
Додаде дека Врховниот суд треба да биде прашан врз основа на што е донесена одлуката со која им се одзема зградата Работнички дом во Скопје.
-Никогаш не коментирам судски одлуки, но сум на страната на ССМ.“ вели Ковачевски, а по прашање дали тоа значи дека ги поддржува да им се врати зградата, Ковачевски кратко одговори – Да им се врати зградата.
Според пресудата на Врховниот суд, објектот на ССМ се градел со пари од државата, а не со средства на синдикатот бидејќи, како што се наведува во пресудата, ССМ не извршува стопанска дејност, па нема ниту сопствени приходи за стекнување на имот.