(ВИДЕО) Костова: Мицкоски гази по достоинството на родителите на жртвите, излезе на виделина суровоста и ароганцијата

Од:

Тешко е за човек да се соземе од бес и гнев кога ќе го прочита сведоштвото на родителите на загинатите деца во трагедијата Кочани за нивната средба со премиерот и претставници на Владата. Наместо да им пристапот на родителите со емпатија и сочувство, Мицкоски и неговата владина свита настапиле со невидена ароганција кон оние што изгубиле сѐ, изјави Кристина Костова, потпретседателка на СДСМ.

– Мицкоски го покажа најсуровиот и најнечовечки лик на оваа власт. Наместо да покаже емпатија и разбирање за болката на родителите кои ги изгубија своите деца во најтрагичниот настан во поновата историја на државата, тој ги понижил со навредливи зборови кои никогаш не смеат да се изговорат на човек што изгубил дете.

„Одредете си цена за вашите деца“ – оваа реченица е нанесена рана врз целото општество. Моралот и човечноста на премиерот очигледно се изгубени некаде меѓу политичките интересите и неговите пресметки за рејтинзи.

СДСМ најостро го осудува ваквиот нечовечки однос кон семејствата на жртвите. Болката на овие луѓе не се мери со пари. Болката на овие луѓе е одговорност на сите нас како општество, а најмногу на оној што седи на чело на државата.

Мицкоски имаше можност да покаже дека е човек пред сè, но избрал да биде арогантен и ладнокрвен политичар. Избрал да им го скрши достоинството на луѓето што веќе ги изгубиле најдрагоцените нешта во животот.

Мицкоски е должен не само извинување, туку и одговорност за ваквото однесување. Ова не е прашање на политички поени, ова е прашање на минимум човечко достоинство кое тој го погазив.

Бараме премиерот веднаш да се извини на семејствата и конечно да покаже дека барем нешто од човечноста му останало. Ако не знае Мицкоски што значи да бидете премиер на сите граѓани, тогаш барем да научи да биде човек, рече Костова.

Би можело да ве интересира

(ВИДЕО) Кузеска: Врв на неспособност, граѓаните едвај врзуваат крај со крај, власта им вели „немаме магично стапче“

Претстојните локални избори се загубени за опозицијата и таа ќе мора да се реструктуира, вели Мицкоски

СДСМ одреди уште 11 кандидати за градоначалници

А1он

Во вториот изборен круг, ќе има разговори и со партии од албанскиот блок, изјави Филипче

(ВИДЕО) Филипче: Граѓаните тонат во сиромаштија, власта ги држи платите ниски

Горан Наумовски

СДСМ: Не се доволни манго, папаја и аспарагус, сега Министерство за одбрана набавува кафе и алкохол за 31.000 евра

А1он