„Христијан Мицкоски и раководството на ВМРО-ДПМНЕ треба да престанат да ја блокираат иднината и евроатланската перспектива на Република Македонија.
Времето истекува, сега пратениците на ВМРО-ДПМНЕ многу бргу треба да се изјаснат дали се за ЕУ или НАТО или не?
Доколку ова раководство на ВМРО-ДПМНЕ и понатаму да ја блокира иднината, секој пратеник треба да се издигне на висина на овој историски момент и да гласа за членство на Македонија во НАТО и ЕУ, за подобар живот за сите граѓани“, изјави Костадин Костадинов, пратеник од СДСМ и коалицијата.
„Ако тоа не се случи одиме на предвремени парламентарни избори. Гласот на мнозинството граѓани ќе одлучи за иднината во ЕУ и НАТО.
Христијан Мицкоски нема да може да побегне од волјата на граѓаните кои се јасно определени за напредок, за членство во ЕУ и НАТО со зајакнат идентитет.
Македонија ќе победи во секоја варијанта. Правда ќе има, институциите ќе си ја работат својата работа. Македонија ќе стане членка на ЕУ и НАТО“, рече Костадин Костадинов, пратеник од СДСМ и коалицијата.