Комисијата за ревизија на проектот „Скопје 2014“, која ја формираше градоначалникот на Општина Центар Андреј Жерновски работи според предвидената динамика.
Членовите на комисијата Слаѓана Тасева и Драган Малиновски ќе ја испочитуваат обврската и кон средината на август ќе излезат со прелиминарни согледувања како се трошеле парите за проектот, а потоа ќе биде подготвен и финалниот извештај.
„Комисијата дојде до интересни сознанија. Се потврди она во што се сомневав за трошењето на парите на жителите на Центар за скапиот проект Скопје 2014, но како што ветив деталите и за се’ она што утврдија ќе го соопштат членовите на комисијата на прес конференција“, изјави градоначалникот Жерновски.