„Сите ние сме овде собрани за да го искажеме револтот против оваа власт на Никола Груевски и фамилијата. Сите ние имаме по некоја мака, сите ние сме дискриминирани, омаловажени и понижени од оваа власт, затоа што не размислуваме како нив“, рече Љупчо Кавалиновски.
Вечерва, рече, јас пред вас сакам да ја искажам мојата мака и да ја споделам со вас.
Бев вработен во Хотел Молика на работно место – самостоен референт по набавки со шести степен на стручно образование. Откако ја презеде власта ВМРО ДПМНЕ, неколку пати ми го менуваа работното место се пониско и пониско.
Последното работно место во хотел Молика ми беше – Ракувач на погонска станица.
Почитувани присутни, точно во хотел Молика по систематизација има и вакви работни места за клетите комуњари. Неколку пати ме праќаја на работа во Рек-Битола и потоа пак ме враќаја назад.