Граоначалниците на Штип, Велес и Кавадарци испратија возила од нивните општини за да го собираат ѓубрето во Скопје.
„Општина Кавадарци испраќа помош во Скопје за справување со отпадот. Во Општина Кисела Вода испратени се три камиони и еден џип се со цел да се помогне во решавање на проблемот со отпадот. Помош ќе се испрати и на други општини кои што имаат потреба. Кавадарци за сите“, објави на својот Фејсбук профил, градоначалникот на Кавадраци Митко Јанчев.
„Градоначалникот на Општина Штип Иван Јорданов одобри испраќање на механизација и работници кои со поддршка на општинските капацитети, вечерва ќе спроведат акција за расчистување на натрупаниот смет од контејнерите“, изјави градоначалникот на Општина Аеродром Тимчо Муцунски.
Градоначалникот на општина Ѓорче Петров, Александар Стојковски објави дека вечерва во нивниот реон ѓубрето ќе го собираат екипи од општина Велес.
Неспособноста на институциите од градот Скопје повторно излегоа на виделина и скопјани се гушат во смет. За таа цел заедно со механизацијата и човечките ресурси од ЈКП „Гази Баба 2007“ со поддршка од Општина Илинден и Општина Петровец вечерва на повеќе локации во Гази Баба ќе го собираме сметот од улиците, објави градоначалникот на Гази Баба, Бобан Стефковски.
Попладнево градоначалникот на Општина Центар Горан Герасимовски објави дека утре сами ќе го исчистат ѓубрето оти ситуацијата е алармантна.
Сите градоначалници на скопските општини побараа од градоначалничката на Скопје, Данела Арсовска да го реши проблемот. За утре најавија состанок на кој ќе иницираат општините сами да за грижат за собирање на сметот, односно ова веќе да не биде обврска на Градот Скопје.
Хаосот во Скопје настана поради конфликтот меѓу дел од вработените и диркеторкта на Комунална хигиена. Дел од вработените ја блокираат работата на претпријатието, доека Косана Мазнева вели дека се работи за група на која и биле укинати бенфициите.