35-годишниот Јован Бабаче од населбата Варош беше среќниот фаќач на светиот крст во водите на Охридското езеро за празникот Водиц оваа година.
Бабаче по петти пат го фаќа крстот во езерските води. Интересно годинава беше што откако Владиката Тимотеј го фрли крстот од бродот Александрија, капачите не можеа да го пронајдат, но по 20 минути барање Бабаче го пронајде.
Куриозитет годинава беше што многу од пријавените капачи поради студеното време се откажаа од трката за крстот. Чинот на фрлањето на светиот крст во Охрид го следеа неколку илјада граѓани од земјава и странство.
На градскиот плоштад се служеше греана ракија.
Црвениот крст за среќа годинаваа немаа многу работа. Имале пет интервенции од кои три посекотини и две премрзнувања.
Мики Трајковски