Генралниот секретар на ВМРО-ДПМНЕ, Игор Јанушев, на прес-конференцијата пред партиските простории рече дека ВМРО-ДПМНЕ влегува во трката да формира Влада и дека изборниот резултат бил на нивна страна.
„Рано е за да кажеме било што, но факт е дека промените народот ги посакува, народот не сака Влада која е криминална , народот не сака корумпирана Влада, народот сака обнова. Опозицијата покажа дека на овие избори има повеќе гласови од партиите на власта. ВМРО-ДПМНЕ влегува во трката за формирање на нова Влада затоа што постојната е истрошена. Испраќаме уште еднаш благодарност до сите партии и покрај притисоците, што се одважија да гласаат за обновата на Макеоднија“ рече Јанушев.
Во живо: Прес конференција на ВМРО ДПМНЕ
Во живо: Прес конференција на ВМРО ДПМНЕ
Posted by A1on.mk on Среда, 15 јули 2020
На неколку новинарски прашања за изборниот резултат колку е во предност ВМРО-ДПМНЕ и на што се темели податокот дека ВМРО-ДПМНЕ ќе формира Влада Јанушев не одговори конкретно, рече дека требало да се почекаат официјалните резултати и дека се уште не е завршено пребројувањето.
„Трката е тесна речиси изедначена да почекаме да ги видиме финалните бројки, па тогаш можеме да кажеме. Се уште е рано да се коментира било што. СДСМ и друг пат кога програлувала победа и кога губела. Не би сакал да шпекулирам со бројки ќе бидете известени доклку има некоја промена“, одоговри кусо Јанушев.