(ВИДЕО) Јанчева: Поднесовме иницијатива за вонредна седница на Советот на Град Скопје за помош за настраданите во несреќата во Бугарија

Од:

Координаторката на советничката група на СДСМ во Советот на Град Скопје, Љубица Јанчева, во лично име и во име на советничката група на СДСМ, ДУИ и коалицијата во Советот изрази сочувство кон семејствата на починатите во несреќата во Бугарија.

„Советничката група на СДСМ, ДУИ и коалицијата во Советот на Град Скопје, денеска достави барање за свикување на итна седница на Советот.

На оваа седница единствена точка на дневен ред би била помошта кон семејствата на нашите сограѓани кои загинаа во страшната автобуска несреќа во Бугарија.

Го поздравуваме предлогот да се обезбедат два милиони денари за помош на семејствата на настраданите, секако треба да се види можноста тој износ дополнително да се зголеми.

Сепак, не треба да се чека редовната седница на Советот, туку тоа може да се обезбеди и со вонредна седница за што денеска како советничка група поднесуваме иницијатива.

Скопје е град на солидарноста, град кој подава рака секому кому му е потребна помош така е и сега, без да ги делиме луѓето по верска и етничка припадност.

Денеска политиката ја оставаме на страна, повикуваме на сплотеност за што побрзо да им помогнеме на нашите сограѓани.

Во несреќата во Бугарија загинаа 45 лица, огромен дел од нив се скопјани и скопјанки.

Веруваме дека оваа иницијатива ќе биде прифатена и дека седницата ќе се одржи што поскоро за помошта до погодените да стигне што побрзо“, рече Јанчева.

Би можело да ве интересира

ВМРО-ДПМНЕ ги објави кандидатите за градоначалници во 25 општини, за Град Скопје се бара најдобриот кандидат

Горан Наумовски

СДСМ достави документи до ДКСК: Бара постапка за тендерот во МВР

СДСМ: Владата повторно неспремна ќе ја дочека сезоната на пожари

А1он

(ВИДЕО) Костовски: Нема ни траг од фирмата што одби тендер од МВР, дали е со фиктивно седиште?

Горан Наумовски

Власта со лажен партиски ПР прави розова слика, меѓутоа луѓето знаат како се живее, вели Филипче

Горан Наумовски

Како се дефинира кавалитет, капацитет и историја кај фирма што не постотела, СДСМ го прашува Тошковски