„Им порачуваме дека не е трагедија да не се бавиме со злоупотреба на трагедија туку трагедија е злоупотреба на службената должност и овластување на министерот Николовски.
Имено Николовски место да се бави со бледи соопштенија, треба јасно да и одговори на јавноста дали советникот кој ја направил сообраќајката и целосно го демолирал возилото Дачиа Дастер од министерството за земјоделство, шумарство и водостопанство имал овластување и можел да го управува истото?“, праша Миле Јакимовски од ВМРО-ДПМНЕ.
„Трагедијата како што знаете се има случено на релацијата Виница- Берово вон работно време и дали советникот возел со пропишаната брзина или возел неколкукратно повеќе од пропишаната брзина?
Истовремено министерот Николовски ја злоупотребил службената положба и овластување, давајќи му налог неовластено иако за тоа немал законско право. Доколку го тврдат спротивното ќе ги замолиме да го покажат патниот налог со кој е упатен советникот.
Истовремено ја прашуваме власта дали ќе покрене прекршочна постапка спрема советникот а со тоа и кривична постапка за злоупотреба на службената должност и овластување.
Додека земјоделците мака мачат со пласманот на земјоделските производи и откупот, истовремено власта се поигрува со службениот имот. Доколку не постапи власта согласно позитивните законски прописи ќе сметаме дека намерно сакаат да го заташкат овој случај. Истовремено им порачуваме дека време е власта на СДСМ да си замине бидејќи ова не им е прв случај на злоупотреба на државен имот“, изјави Миле Јакимовски.