Иво Вајгл, евро-пратеник од АЛДЕ групата, кој во Скопје престојува во рамки на напорите на ЕУ за надминување на политичката состојба во земјата, во моментов е на средба со претседателот на СДСМ, Зоран Заев.
Известувачот во европарламентот за Македонија како што е најавено на денешната средба со партиските лидери во Скопје треба да ја повтори пораката да продолжи примената на договорот од Пржино за надминување на политичката криза во Македонија.
Вајгл заедно со Ховит, Кукан и еврокомесарот Хан беше дел од преговарачката група која го постигна договорот во Пржино.
