Денеска во Скопје и во градовите низ Македонија се одржа традиционалната хуманитарна акција Дарувај од срце во организација на Форумот на жени на СДСМ, Црвениот крст и хуманите граѓани.
„На пунктовите во градовите низ Македонија донираме топла облека, обувки и постелнина за граѓаните на кои им е најпотребна во овие студени зимски месеци.
На овој начин го одбележуваме и Меѓународниот ден на човековата солидарност – 20 декември и даваме скромен придонес во овие предновогодишни денови да внесеме топлина во домовите на бројни семејства.
Солидарноста, хуманоста и меѓусебното помаѓање се вредности на кои се темели социјалдемократијата. Како Форум на жени на СДСМ постојано ги негуваме овие вредности и остануваме посветени на заложбите за обезбедување услови за достоен живот на сите наши сограѓани“, рече Кристина Пеповска од Форумот на жени на СДСМ.