Премиерот Димитар Ковачевски едвај успеа да го започне говорот за францускиот предлог, на собраниска седница која ја нарече „значајна“. Откако кажа „денес почнуваме историска седница“, пратениците од опозицијата со труби го исвиркаа.
„Историска седница, затоа што денес и во следните денови одлучуваме за фундаменти на нашата држава, за подобра иднина, заштита на минатото“, говореше Ковачевски, додека во салата се случуваше хаос.
Ковачевски се обидуваше да ги игнонирира свирежите и се заблагодари на Урсула фон дер Лајен.
Додека Ковачевски се обидуваше да го заврши говорот, некои од пратениците од власта се држеа за глава за да ги затворат ушите. Пратениците од опозицијата држеа и транспаренти во рацете со кој го критикуваа францускиот предлог.