Илјадници бегалци од воените подрачја се заробени на македонско-грчката граница откако полициски единици ги спречија да тргнат пеш кон Гевгелија.
На грчката страна се блокирани товарни и патнички возови кои не можат да ја преминат границата.
Граѓани од таму јавуваат дека полицајците ги напаѓаат мигрантите со пендреци за да ги натераат да се повлечат. Очевидците велат дека се случува драма, дека мигрантите пеат песни додека врне дожд.
Македонската полиција ги спречува мигрантите да влезат во земјава. Поради хаосот невозможно е од Гевгелија да се патува со воз.
Неколку илјади бегалци се стационирани на железничката станица во Гевгелија каде чекаат воз што ќе ги пренесе до Србија.
Новинари преку социјалните мрежи пишуваат дека не нашле место во патничкиот воз, поради што тргнале од Гевгелија со кола.
Фото: Твитер