Од рано утринава започна сообраќајниот хаос во Скопје кој е резултат на големата најавена блокада на приватните автопревозници кои протестираат откако градоначалничката Данела Арсовска одби да преговара со нив и објави дека ќе има нов јавен повик за приватни превозници.
Според полицијата, со почеток од утринава во 6 часот, посебниот режим на сообраќај е воспоставен на бул. „Илинден“ – од крстосницата на бул. „Илинден“ со бул. „Св. Климент Охридски“, до крстосницата од бул.„8 Септември“ и бул. „Илинден“ – крстосницата од ул. „11 Октомври“ и бул.„ Кочо Рацин“ (Црвен крст) и крстосницата од бул. „Гоце Делчев“ и бул. „Крсте Мисирков“ (Судска палата)“.
