Луѓе со висока температура, пневмонија, омалаксани и со отежнато дишење чекаат пред Ковид центарот во „8 Септември“ и велат дека не им ги отвораат вратите додека сестрите и докторите не ги испијат кафињата.
„Ова е во Ковид центарот во „8ми Септември“, на Клиника пак да те примат е научна фантастика. Со упат чекав два дена по 3 часа за да ми дадат проклет упат за рентген и не дочекав, измрзнав и нормално морав да го правам приватно. Ова е само дел од хоророт на македонското справување со пандемија, ептен ми е лошо за да пишувам уште, инаку штом се опоравам ќе напишам се низ што како семејство проаѓаме и колку не чини вирусот“, вели Ана Јанкулоска која утрово чекала ред за да земе упат за рентген пред Ковид-центарот.
„На истово место чекаат и луѓе со други инфективни болести. Тука чекаат и за вакцини, тетанус и слично“, вели оваа скопјанка која ја сними ситуацијата пред ковид-центарот.