Судот веќе станува фарса и на ништо не личи. Се надевам дека ова што се случи е само за нас, а не секојдневие во македонските судови, изјави експремиерот Никола Груевски по сослушувањето за предметот „ТНТ“, каде што судиите донесоа одлука да не им ги дадат бомбите како доказ на одбраната.
– На минатото рочиште, судиите донесоа задолжување за СЈО да ни ги врачи доказите, за да може да ги анализираме и да се подготвиме. Доказите не ни беа врачени, а денес судиите ја поништија одлуката, односно задолжувањето, без никој да им го бара тоа, барем не јавно. Мојата реакција е дека ова станува фарса и на ништо не личи, рече Груевски.
Тој додаде дека доколку судиите веќе имаат донесено одлука, тогаш да не ги малтретираат и да ја прочитаат пресудата.
– Снимките се незаконски прибавени и во ниту една држава во светот, тие не се употребуваат како доказ. Само тука заради политички притисок и политичка хајка. Тоа се невалидни докази и затоа ние одбивавме да ги слушаме, рече Груевски.
Експремиерот се пожали и на закажувањето на судењата, бидејќи следната недела имал судење секој ден.
– Нас ни закажуваат рочиште на неколку дена, а на Заев за два месеци. Следната недела имам судење секој ден.
Снимките се незаконски прибавени и во ниту една држава во светот, тие не се употребуваат како доказ. Само тука заради политички притисок и политичка хајка. Тоа се невалидни докази и затоа ние одбивавме да ги слушаме.