Против мене се води политички процес, во кој што судиите треба да одработат. Секој ден сум во судница, бидејќи Заев и Димитров го решаваат името и им треба народот да зборува за Груевски и случаите, рече експремиерот Никола Груевски по денешното судење за предметот „Тенк“.
– Им треба помалку да се зборува за националното предавство на кое што се посветени, рече Груевски и додаде дека целите дебати со продавањето на „мерцедесот“ и неговата цена биле дел од пропагандата за одвлекување на вниманието од смената на името и идентитетот на Македонија и македонскиот народ.
– Наместо да се зборува за суштински прашање, се обидуваат да се зборува за тоа кој кров протекол, колку чини „мерцедесот“, рече Груевски и не одговори дали тој би го купил „мерцедесот“ за таа ниска цена која што се споменува.
Груевски истакна дека се ова што се случува е политички процес со крајна цел да се падне ВМРО-ДПМНЕ од власт за да се смени името и идентитетот.