Никола Груевски, во нему познат стил, во Судот влезе од задниот влез со обезбедување и со портпаролот на Владата.
Новинарите го чекаа по излегување од судницата да даде изјава. Но повторно, излезе на споредни влезови, побегна од новинарите и замина.
Груевски, заедно со Миле Јанакиески, Даниела Рангелова, советници од ВМРО-ДПМНЕ и партиски симпатизери се обвинети во случајот „Нарачани шамари за Жерновски“ и демолирање на општина Центар.
Жерновски изјави дека Груевски во судницата личел на уплашен човек, чиј крај доаѓа и ќе одговара за направените злодела.