Пратеничките групи усогласија десет амандмани од вкупно 50 доставени за предлог-законот за обвинителството кое денеска е на дневен ред на седницата на Комисијата за избори и именувања. Претседателот на Комисијата Артан Груби најави дека ќе продолжат преговорите на работната група меѓу власта и опозицијата за консензуално да се донесе законот со кој треба да се реши иднината на СЈО.
“Преостанаа уште 41 амандмaн за законот за обвинителство и ако успееме нешто да усогласиме како денес, може да продолжиме со седницата“ рече Груби.
Седницата на Комисијата најверојатно ќе продолжи во следните денови, откако претходно партиите се согласија околу буџетот на новото обвинитлество, називот на обвинителството и други технички прашања. Темите околу кои партиите имаат спротивставени ставови, како судбината на судските предмети на СЈО, мандатот на обвинителите во СЈО и изборот на обвнител кој ќе раководи со обвинителството, ќе се разгледуваат во работната група.
